जनकपुरधाम। आगामी फागुन २१ गते हुने प्रतिनिधि सभा सदस्य निर्वाचनका लागि धनुषा निर्वाचन क्षेत्र नम्बर २ बाट नेकपा एमालेले केन्द्रीय सदस्य तथा पूर्वमन्त्री उमाशंकर अरगरियालाई एकल उम्मेदवारका रूपमा सिफारिस गरेको छ ।

शुक्रबार बसेको निर्वाचन क्षेत्रीय समन्वय समितिको बैठकले क्षेत्रीय संयोजक जामुनरान यादवको अध्यक्षतामा अरगरियाको नाम सर्वसम्मत रूपमा सिफारिस गरेको हो । क्षेत्रीय संयोजक यादवका अनुसार यसपटक पनि गृह जिल्ला धनुषाबाटै अरगरियाको एकल नाम सिफारिस गरिएको हो ।

अरगरिया यसअघि २०७४ सालको प्रतिनिधि सभा निर्वाचनमा पनि धनुषा निर्वाचन क्षेत्र नम्बर २ बाट निर्वाचित भएका थिए ।